ՍՏԵՂԾԱԳՈՐԾԱԿԱՆ ԳՈՐԾՈՒՆԵՈՒԹՅԱՆ ՀԱԿԻՐՃ ՆԿԱՐԱԳՐՈՒԹՅՈՒՆ

Ականավոր դիրիժոր, երաժիշտ և կոմպոզիտոր: 1961 թվականից հանդիսանում է Հայաստանի պետական ազգային ակադեմիական երգչախմբի գեղարվեստական ղեկավար և գլխավոր դիրիժորը:

Հովհաննես Չեքիջյանը ելույթ է ունեցել աշխարհի 184 մշակութային խոշոր կենտրոններում, այդ թվում՝ Փարիզում, Լոնդոնում, Նյու Յորքում, Մոսկվայում, Սանկտ Պետերբուրգում, ինչպես նաև նախկին ԽՍՀՄ-ի տարբեր քաղաքներում: Բոլոր 68 առաջնակարգ սիմֆոնիկ նվագախմբեր, այդ թվում՝ ԽՍՀՄ Պետական Ակադեմիական Սիմֆոնիկ Նվագախումբը, Սանկտ Պետերբուրգի Ակադեմիական Սիմֆոնիկ Նվագախումբը, «Բոլշոյ» թատրոնի նվագախումբը, ղեկավարվել են մաեստրո Չեքիջյանի կողմից: Հայաստանից դուրս ունեցել է 866 համերգ:

Հովհաննես Չեքիջյաը, որպես կոմպոզիտոր, ունի այնպիսի եզակի վոկալ-սիմֆոնիկ ստեղծակգործություններ, ինչպիսիք են, օրինակ՝ «Գարնանային անուրջներ» և «Հանդիսավոր ձոն»-ը: Հովհաննես Չեքիջյանի ղեկավարությամբ «Մելոդիա» ընկերությունը թողարկել է բազմաթիվ ձայնասկավառակներ Հայաստանի պետական ազգային ակադեմիական երգչախմբի և ԽՍՀՄ առաջնակարգ սիմֆոնիկ նվագախմբերի կատարմամբ: Ձայնագրություններից մեկը 1978 թվականին Փարիզում պարգևատրվել է «Grand Prix» մրցանակով: Ձայնասկավառակները խորագրվել են LITURGIE ARMENIENNE (լույս է տեսել Կանադայում) և LITURGY of KOMITAS (լույս է տեսել Մոսկվայում) անվանումներով: